Vjollca Duraku Personalitete të jetës kulturore dhe akademike, poetë, aktorë, miq e familjarë u mblodhën sonte, në këtë mbrëmje të bukur dhjetori, në ambientin e ngrohtë të KultPlus Caffe Gallery për të shijuar ‘Mbrëmjen Letrare’ dedikuar poetit të njohur Lulzim Tafa, i cili ndër vite me krijimtarinë e tij ka pasuruar botën e adhuruesve të letërsisë dhe të poezisë. Kjo mbrëmje e mbajtur sonte nën organizimin e KultPlus Caffe Gallery në shenjë të kremtimit të festave të fundvitit ka dhuruar emocione të shumta përmes vargjeve të poetit Tafa, që u interpretuan nga artistët, kolegët e tij poetë si dhe vetë ai, nën tingujt e bukur të kitarës së Riad Ramadanit. Me poezi dhe vargje të përzgjedhura në këtë mbrëmje poetike u paraqitën aktorët Albana Gashi me poezitë “Si toka” & “Tue kërkue veten” si dhe Valmir Kraniqi me “Vasha e Dukagjinit” & “Të dielave mos më thirr më”. Ndërsa me interpretimin e tyre kolegun poet e nderuan: Sali Bashota me poezinë “Këshillë për poetët e rinjë”, Naime Beqiraj me “Bisedë me hijet”, Rrahman Paçarrizi me “Paketimi i mërzisë”, Vlora Konushevci me “Nuk më luftohet, më flihet”, Arbër Selmani me “Pas pandemisë” dhe “Dritaren e ke të lejuar” dhe Jeton Kelmendi me një poezi kushtuar poetit Tafa. Më video poezi interpretuan vetë poeti Lulzim Tafa, Labinot Laçi dhe Vedat Haxhislami. Drejtoresha e Mediumit KultPlus, njëherit edhe organizatore e mbrëmjes poetike, Ardianë Pajaziti ka thënë se është kënaqësi për të që mbrëmjen e fundit letrare për vitin 2024 ta përmbyllë me poetin Lulzim Tafa. “Faleminderit që jeni pjesë e kësaj mbrëmje poetike të poetit dhe mikut tonë Lulzim Tafa. Kjo është mbrëmja e fundit që organizohet në KultPlus Caffe Gallery për këtë vit. Jo rastësisht po mbahet kjo mbrëmje me përzgjedhje të poezive me kaq përmbajtje dhe kaq të thella, të cilat prezantohen prej miqve të tij. Luli vazhdon me qenë mik i KultPlus-it. Kjo mbrëmje i dedikohet pikërisht për miqësinë poetike që e ka krijuar ndër vite me ne. Lulin e njohim të gjithë ai nuk rekomandon që t’i drejtohemi me tituj të tjerë, gjithmonë e thekson që titulli që i fle më së shumti është ai i poetit” ka thënë drejtoresha Pajaziti. Ndërsa, poeti Sali Bashota i cili edhe e ka udhëhequr mbrëmjen artistike për poetin Tafa ka thënë se ai është vazhdues i ideve të Ali Podrimjes. “Është një poet i veçantë që jeton me poezinë. Është një vazhdues i ideve të Ali Podrimjes. I njoh vetëm dy poetë që jetojnë vetëm me poezinë. Luli është i tillë, i thjeshtë, modest, një poet që po ngjitet majave të poezisë shqipe me veprat e tij poetike. Deri tani ai i ka botuar 300 poezi. 300 të tjera i janë djegur në luftë”, ka thënë poeti Bashota duke potencuar se Tafa është një poet që po ngjitet shkallëve të poezisë shqipe me talentin e tij të rrallë. Bashota më tej ka thënë që poeti Tafa në dy vitet e fundit ka pasur shumë suksese edhe në prezantimin dhe promovimin e disa prej vlerave të tij intelektuale në akademi të ndryshme, duke përfshirë edhe Akademinë e Shkencave të Shqipërisë. “Luli i prezantohet edhe publikut në Shqipëri si një poet me vlera të arrira letrare. Sonte të gjithë miqtë e tij do të jemi bashkë me poezinë e Lulzim Tafës, e cila në çdo mënyrë na mbledh që të jemi sa më afër njëri tjetrit, ta duam poezinë, t’i duam vlerat e letërsisë shqipe. Do të ishte kënaqësi që çdo javë të kemi nga një takim të tillë me poetë të Kosovës që promovojnë vlerat tona sepse askush më shumë se poezia nuk mund ta paraqes atë ndjenjë dhe përjetimin e botës sonë shpirtërore, dashurinë në radhë të parë. Luli është poet edhe i ëndrrave por edhe poet  dashurisë”, ka thënë poeti Bashota. Poeti Lulzim Tafa është shprehur tejet falënderues për këtë mbrëmje dedikuar poezisë së tij, e cila përkon edhe me ditën e poetit të tij të preferuar, “Rumit”. “Të nderuar miq, faleminderit që jeni sonte këtu, në këtë përjetim poetik të cilin e shijova shumë. Kjo mbrëmje është organizuar për mua. Nata e mbrëmshme ka shënuar ditën e vdekjes së Rumit, një ndër poetët më të mëdhenj që kishte njerëzmi, që kishte linjda e perëndimi. Edhe pse ai vetë thoshte që nuk i takonte as lindjes, e as perëndimit sepse ai nuk kishte kufinj. Ai thoshte se unë i takoj dashurisë, ashtu siç është e pakufishme edhe dashuria. Ju e dini lidhjen time me Rumin, me mistikun e hatashëm. Mund ta merrni me mend që kjo koincidencë pas natës së Rumit të mbahet në Prishtinë, një mbrëmje poetike me mua, më mrekullon”, ka thënë Tafa duke potencuar që poezia është jeta e tij. Kurse, shkrimtari dhe profesori universitar Rrahman Paçarrizi ka thënë që poezia e Tafës vazhdon ta mrekulloj çdo herë e më shumë. “Mendoj që jam ndër ata të cilët i lexoj poezitë e tij ende pa u botuar. Në njëfarë mënyre jam një lloj konsulenti për Lulin, sepse pasi ai shkruan poezinë iu lexon disa miqve të tij. Në këtë kuptim, siç u tha sonte ai i ngjason poetit Ali Podrimja nga mënyra e funksionimit, mënyra e të shkruarit të poezisë, por edhe nga mënyra e të jetuarit me poezinë. Për mua ka qenë një moment i veçantë. Në asnjë rast dhe për asnjë tjetër nuk do të lexoja poezi të huaja, por poezitë e Lulit i ndiej goxha sikurse të mijat e sidomos poezinë që e lexova sonte”, ka thënë Paçarrizi. Ndërkaq, poetja tjetër Vlora Konushevci ka thënë se Tafa me krijimtarinë e tij i ka kontribuar letërsisë shqipe, shpesh herë duke dalë edhe jashtë kornizave të brezit të tij. “Poezinë e tij e kam lexuar qysh moti. Fillimsht më duhet ta them që Luli është njeri shumë i mirë, pasi kjo është shumë e rëndësishme për të qenë pastaj edhe poet i mirë, sepse nëse je njeri i mirë e ke edhe empatinë e zhvilluar, ku pastaj në shkrim del i jashtëzakonshëm, ashtu siç del edhe

Në shenjë të kremtimit të festave të fundvitit, të mërkurën, më 18 dhjetor 2024, në orën 19:00, KultPlus organizon Mbrëmje Letrare me poetin e njohur, Lulzim Tafa. Në këtë mbrëmje do të marrin pjesë personalitete të jetës kulturore dhe akademike, poetë, aktorë, lexues të poezisë dhe miq të poetit. Në këtë mbrëmje do të lexohen poezi nga krijimtaria e poetit Lulzim Tafa, poezi që do të shoqërohen me tinguj të kitarës dhe shije të verës. Pjesëmarrja është vetëm me ftesa./ KultPlus.com

Përgatiti: Armand Hoti Poeti Lulzim Tafa, promovoi të shtunën, librin e tij më të ri, Ekspozitë me Ëndrra”. Tafa tha se e mbajti premtimin e dhënë 10 vjet më parë, në një vepër tjetër. Në këtë vepër, përfshihen poezi të marra nga tetë vëllime të mëparshme të autorit. Përzgjedhjen e poezive ndërkaq e bëri shkrimtari, Sali Bashota.Ai e krahason Tafën, me poetin e ndjerë Ali Podrimja. Parathënien në këtë vepër, e mori përsipër shkrimtari Besnik Mustafai.E ky botim ishte ndër të paktë që ai pranoi t’i bëjë parathënien. Promovimi i librit, u bë nga shtëpia botuese Onufri, në ditën e parafundit te Panairit të Librit në Tiranë. Më shumë detaje i gjeni në Edicionin Qendror të lajmeve në videon më poshtë:

Nga: Blerim Valla Tradita e pasur letrare e qytetit të Gjakovës e nisur këtu e 60 vite më parë, saktësisht më datën 10 nëntor të vitit 1964, për gjashtë dekada, hapëroi me kohën dhe me shumë poetë por edhe me shumë manifestime poetike që lanë gjurmë të mëdha në letërsinë shqipe në përgjithësi e në veçanti në poezinë tonë. Mitingu i sivjetëm jubilar i 60-të i Poezisë, u shënua me një javë promovimesh të librave dhe të autorëve të ndryshëm. Ndërsa kulmoi me manifestimin kryesor, me Akademinë Jubilare, pastaj me Orën e Madhe Letrare dhe me ndarjen solemne të Çmimeve tradicionale letrare por edhe të Çmimeve e Mirënjohjeve Jubilare . Fitues i “Çmimit Din Mehmet” për librin poetik më të mirë poetik midis dy mitingjeve nga juria e klubit letrar “Gjon Nikollë Kazaz” iu nda poetit Lulzim Tafa, për librin “Rivali i Adamit”. Ndërsa “Çmimi Ali Podrimja” për poezinë më të mirë të lexuar në Orën e Madhe Letrare, e ndarë poashtu nga juria e klubit në fjalë, ju nda poetit Sali Bashota për poezinë “Çka bëni ju atje të dielën”. Klubi Letrar “Gjon Nikollë Kazazi” i Gjakovës me përkrahjen e Komunës së Gjakovës dhe nën patronatin e kryetarit Ardian Gjini, organizoi manifestimin tradicional, këtë vit, për të shënuar 60 – vjetorin e Mitingut të Poezisë duke kujtuar nismën e tij që nga viti 1964, nga një grup shkrimtarësh për të udhëtuar deri sot, me shumë aktivitete, poezi, debate për kulturë, promovime veprash dhe shpërblime të shumta letrare. Nga kryetari i klubit letrar Muharrem Kurti, në hapje të akademisë jubilare u tha se Mitingu i Poezisë nuk u ndal as në kohën kur duhej të kërkohej leje speciale dhe kur bëheshin ndjekje, madje edhe ndalesa ndaj fjalës së shkruar shqipe. Dhe ky manifestim i i bëri ballë gjitha pengesave e sfidave për të arritur deri tek ky jubilar i 60 – ti sot. Pjesëmarrësit e këtij edicioni i përshëndeti kryetari i Komunës së Gjakovës, Ardian Gjini, duke theksuar se Mitingu që mbahet në Gjakovë për kaq vite, ka sjellë kujtime për shumë gjenerata, prandaj edhe është i gjithë shkrimtarëve. Ai theksoi se Gjakova, do të presë jubile edhe më tej, sepse ky manifestim letrar i përvitshëm është aset shpirtëror. Kurse njëri nga pjesëmarrësit dhe themeluesit e Mitingut, shkrimtari i njohur Jusuf Buxhovi, tha se Gjakova kishte qysh atëherë shkrimtarë që patën nisma për të organizuar e për të shkruar, e që fatkeqësisht shumica nuk janë gjallë më me ne. Por ai aktivitet i atëhershëm nuk u ndal për 60 vite rradhazi dhe nuk do të ndalet asnjëherë sepse Gjakova ishte është dhe do të jetë Qyteti i Poezisë. Në Tribunën Letrare me temën “60 vjet të Mitingut të Poezisë” fillimisht referoi Muharrem Kurti, kryetar i Klubit Letrar “Gjon Nikollë Kazazi”, duke dhënë informacione të rëndësishme për të gjitha fazat e mbajtjes së këtij manifestimi. Kurti tha më tej se kujtojmë këtu, pjesëmarrjen në Miting të Ismail Kadaresë, Dritëro Agollit, Ali Podrimjes, Fatos Arapit, Din Mehmetit, Xhevahir Spahiut, Visar Zhitit, Natasha Lakos, Fatos Kongolit, Zija Çelës e shumë e shumë të tjerëve të njohur, edhe kur ndërmjet nesh kishte kufij hermetikë e ndarës deri në qiell. Pra, Mitingu i Poezisë e shpërtheu kufirin shqiptaro-shqiptar me festën poetike në Gjakovë dhe qe 60 vite u bë një Shkollë Poetike! Ndërkaq shkrimtari Agim Byci, në fjalën e ti mes tjerash potencoi se në Mitingun e Poezisë kanë marrë pjesë edhe poetë të shquar të huaj por edhe nga ish – republikat e Jugosllavisë, si Jasha Zllobec, Jevrem Bërkoviq etj. A. Byci, po ashtu pjesëmarrës i mitingut nismëtar, solli para publikut kujtimet e atyre viteve, duke mbjellë në rininë shkollore sensin krijues dhe çdo vit shtoheshin gjeneratat për t’u bërë më vonë organizim e manifestim për tërë qytetin. Sipas tij, Klubi Letrar dhe vetë Mitingu i Poezisë ishin dhe janë Mona Liza e kulturës dhe e letërsisë shqiptare! Në Orën e Madhe Letrare të Mitingut, poezitë e tyre i lexuan poetët si: Sabri Hamiti, Naime Beqiraj, Milazim Krasniqi, Sali Bashota, Lulzim Tafa, Anton Marku, Migena Arllati, Prend Buzhala, Arif Bozaxhi, Lulëzim Logu, Blerim Valla, Albert Shala, Neki Lulaj dhe Agim Desku. Një traditë letrare e mitingut të poezisë që nga viti 2006, është edhe zhvillimi i garave në mes të rinjve krijues për të fituar “Çmimin Yllka Domi”, çmim letrar ky i ideuar e themeluar nga tre shkrimtarët dhe anëtarët e klubit letrar të Gjakovës: Agim Byci, Blerim Valla dhe Shkëndije Hoda. Dhe sivjet ky çmim që mban emrin e poetes dhe dëshmores gjakovare Yllka Domi, iu nda katër krijuesve të rinj: Sara Gjoshi, Albiona Fetahu, Alisa Kodraj dhe Erjon Xhiha. Më pas u bë ndarja e Çmimeve dhe Mirënjohjeve Jubilare për nder të 60 – vjetorit të Mitingut të Poezisë, të cilat i ndanë kryetari i Komunës së Gjakovës, Ardian Gjini, anëtari i kryesisë së Klubit Letrar “Gjon Nikollë Kazazi”, poeti Engjëll I. Berisha, pastaj krye asambleistja e komunës së Gjakovës Arbnesha Kuqi dhe drejtoresha komunale e kulturës Adea Roka. Me këtë rast, u bë me dije se gjatë viteve të shkuara janë ndarë çmime e mirënjohje për të gjithë ata që ishin kontribues dhe udhëheqës të klubit letrar Gj. N. Kazazi dhe organizatorë të Mitingut të Poezisë. Prandaj sot nderohen ata që kanë merita dhe nuk janë shpërblyer deri më sot. Poeti Berisha, shtoi se po punohet në monografinë e Klubit ku do të figurojnë emrat e të gjithëve, për të mos u harruar kurrë. Në këtë përvjetor, Klubi Letrar “Gjon Nikollë Kazazi”, ndau edhe disa çmime e mirënjohje jubilare për ata që kanë dhënë kontribut me vite të tëra. Me çmimet post – mortum, nderoi ish-kryetarin e Shoqatës së Shkrimtarëve të Kosovës, Ibrahim Rugova dhe shkrimtarin e madh Teki Dervishi. Me çmime e mirënjohje jubilare u nderuan edhe Jusuf Buxhovi, Besnik Mustafaj, Sabri Hamiti, Agim Byci, Milazim Krasniqi, Agim Vinca, Naime Beqiraj, Jeton Kelmendi, Iljaz Bobaj, Qemajl Juniku, Albert Shala, Blerim Valla, Shefqet Dinaj, Karvani i Shkrimtarëve për Fëmijë, pastaj edhe anëtarët e kryesisë së klubit “Gjon Nikollë Kazazi”, si

Fitues i çmimit për librin poetik më të mirë midis dy mitingjeve është poeti Lulzim Tafa, për librin “Rivali i Adamit”. Ndërsa për poezinë më të mirë të lexuar në Orën e Madhe Letrare, fitues është poeti Sali Bashota me poezinë “Çka bëni ju atje të dielën”. Klubi Letrar “Gjon Nikollë Kazazi”, organizoi manifestimin tradicional, këtë vit me Akademi Jubilare, për të shënuar 60 – vjetorin, duke kujtuar nismën e tij që nga viti 1964, nga një grup shkrimtarësh për të udhëtuar deri sot, me shumë aktivitete, poezi, debate për kulturë, promovime veprash dhe shpërblime letrare. Mitingu lindi në Gjakovë, por bashkudhëtoi me Shoqatën e Shkrimtarëve të Kosovës, e me subjekte që ofruan përvojë duke shënuar shumë suksese. Sikur u tha nga prononcimet e disa pjesëmarrësve, Mitingu i Poezisë nuk u ndal as në kohën kur duhej të kërkohej leje speciale dhe kur bëheshin ndjekje, madje edhe ndalesa ndaj fjalës së shkruar shqipe. Këto pohime u përmendën nga shkrimtarët Sabri Hamiti, Milazim Krasniqi, e shumë të tjerë. Pjesëmarrësit e këtij edicioni i përshëndeti kryetari i Komunës së Gjakovës, z. Ardian Gjini, duke theksuar se Mitingu që mbahet në Gjakovë për kaq vite, ka sjellë kujtime për shumë gjenerata, prandaj edhe është i gjithë shkrimtarëve. Më tej shtoi se Gjakova, do të presë jubile edhe më tej, sepse këtë manifestim të përvitshëm letrar, e kemi aset shpirtëror. Njëri nga themeluesit e Mitingut, Jusuf Buxhovi, tha se Gjakova kishte qysh atëherë shkrimtarë që patën nisma për të organizuar e për të shkruar, e që fatkeqësisht shumica nuk janë më me ne. Tribuna 60 vjet Mitingu të Poezisë, Platforma e Klubit që të ruhen edhe këtë vit aktivitetet tradicionale u realizua, me temën bosht “60 vjet Mitingu i Poezisë”, për të cilën referoi Muharrem Kurti, kryetar i Klubit Letrar “Gjon Nikollë Kazazi”, duke dhënë informacione të rëndësishme për të gjitha fazat e mbajtjes së këtij manifestimi. Kurti tha më tej se kujtojmë këtu, pjesëmarrjen në Miting të Ismail Kadaresë, Dritëro Agollit, Fatos Arapit, Xhevahir Spahiut, Visar Zhitit, Natasha Lakos, Fatos Kongolit, Zija Çelës e shumë e shumë të tjerëve, edhe kur ndërmjet nesh kishte kufij hermetikë e ndarës deri në qiell. Pra, Mitingu i Poezisë e shpërtheu kufirin shqiptaro-shqiptar me festën poetike në Gjakovë.Po ashtu në Mitingun e Poezisë kanë marrë pjesë edhe poetë të shquar nga ish – republikat e Jugosllavisë, si Jasha Zllobec, Jevrem Bërkoviq etj. Agim Byci, po ashtu pjesëmarrës i mitingut nismëtar, solli para publikut kujtimet e atyre viteve, duke mbjellë në rininë shkollore sensin krijues dhe çdo vit shtoheshin gjeneratat për t’u bërë më vonë organizim e manifestim për tërë qytetin. Sipas Agim Bycit, Klubi Letrar dhe vetë Mitingu, u bënë shkollë për shumë shkrimtarë që më vonë bëhen emra të mëdhenj të letërsisë shqipe. Ora Qendrore e PoezisëNë Orën Qendrore të Mitingut, në konkurrencë, lexuan poezi Sabri Hamiti, Naime Beqiraj, Milazim Krasniqi, Sali Bashota, Lulzim Logu, Lulzim Tafa, Anton Marku, Migena Arllati, Prend Buzhala, Agim Desku etj.Duke qenë se poezitë i nënshtrohen konkurrimit për çmimin “Ali Podrimja”, fitues i poezisë mëtë mirë, u shpall Sali Bashota, me poezinë “Çka bëni ju atje të dielën”.Traditë e mitingut është edhe zhvillimi i garave në mes të rinjve krijues nga shkollat fillore e tëmesme “Yllka Domi”. Në përkujdesjen e Vjollca Kuqit, gara ishte tejet konkurruese, por çmimi fitues iu nda katër nxënësve: Sara Gjoshi, Albiona Fetahu, Alisa Kodraj dhe Erjon Xhiha.Çmimet Jubilare, Çmimet Jubilare i ndau kryetari i Komunës së Gjakovës, Ardian Gjini, si dhe Drejtori i Bordit të Klubit Letrar “Gjon Nikollë Kazazi”, poeti Engjëll I. Berisha. Me këtë rast, u bë me dije se gjatë viteve të shkuara janë ndarë çmime e mirënjohje për të gjithë ata që ishin kontribues dhe udhëheqës të Mitingut, e që këto çmime nuk mund të dyfishohen. Prandaj sot nderohen ata që kanë merita dhe nuk janë shpërblyer deri më sot. Poeti Berisha, shtoi se po punohet në monografinë e Klubit ku do të figurojnë emrat e të gjithëve, për të mos u shlyer kurrë. Në këtë përvjetor, Klubi Letrar “Gjon Nikollë Kazazi”, u kujdes të ndajë çmimet jubilare për ata që kanë dhënë kontribut me vite të tëra. Me çmimet post – mortum, ish-kryetarin e Shoqatës së Shkrimtarëve të Kosovës, Ibrahim Rugova dhe shkrimtarin Teki Dërvishi. Me çmime të veçanta jubilare u nderuan Jusuf Buxhovi, Besnik Mustafaj, Sabri Hamiti dhe Agim Byci. Mirënjohjet Jubilare. Me Mirënjohje Jubilare u nderuan Milazim Krasniqi, Agim Vinca, Naime Beqiraj, Jeton Kelmendi, Iljaz Bobaj, Qemajl Juniku, Albert Shala, Karvani i Shkrimtarëve për Fëmijë. U shpërblye me mirënjohje edhe kryesia e klubit “Gjon Nikollë Kazazi”, Muharrem Kurti, Engjëll I. Berisha, Migena Arllati dhe Vjollca Kuqi. Gjithashtu me mirënjohje u nderuan Blerim Valla dhe Shefqet Dinaj, si dhe mediet Radio Gjakova dhe “Syri Vision”.Me çmimin tradicional “Din Mehmeti”, për librin më të mirë të botuar midis dy mitingjeve u vlerësua poeti Lulzim Tafa për librin me poezi “Rivali i Adamit”. Java e promovimeve:Si gjithnjë u organizua java e promovimeve, e që këtë vit kishte katër aktivitete, duke filluar meorën letrare për të rinj “Yllka Domi”, pastaj me promovimin e dy librave të autores Diana Marku: “Brenga me fytyrë vajze” (poezi) dhe “Të gjithë poshtë urës” (dramë). Gjithashtu, u promovuan romani “Libri për Gjakovën” i shkrimtarit Jusuf Buxhovi, libri me poezi “Duke pritur ditën e tetë”, i poetit Anton Marku dhe libri me tregime “Albani nuk flet shqip”, i autores Angjelina Markut.

Fitues i çmimit për librin poetik më të mirë midis dy mitingjeve është poeti Lulzim Tafa, për librin “Rivali i Adamit”. Ndërsa për poezinë më të mirë të lexuar në Orën e Madhe Letrare, fitues është poeti Sali Bashota me poezinë “Çka bëni ju atje të dielën”.Klubi Letrar “Gjon Nikollë Kazazi”, organizoi manifestimin tradicional, këtë vit me AkademiJubilare, për të shënuar 60 – vjetorin, duke kujtuar nismën e tij që nga viti 1964, nga një grup shkrimtarësh për të udhëtuar deri sot, me shumë aktivitete, poezi, debate për kulturë, promovime veprash dhe shpërblime letrare.Mitingu lindi në Gjakovë, por bashkudhëtoi me Shoqatën e Shkrimtarëve të Kosovës, e me subjekte që ofruan përvojë duke shënuar shumë suksese. Sikur u tha nga prononcimet e disa pjesëmarrësve, Mitingu i Poezisë nuk u ndal as në kohën kur duhej të kërkohej leje speciale dhe kur bëheshin ndjekje, madje edhe ndalesa ndaj fjalës së shkruar shqipe. Këto pohime u përmendën nga shkrimtarët Sabri Hamiti, Milazim Krasniqi, e shumë të tjerë.Pjesëmarrësit e këtij edicioni i përshëndeti kryetari i Komunës së Gjakovës, z. Ardian Gjini, duke theksuar se Mitingu që mbahet në Gjakovë për kaq vite, ka sjellë kujtime për shumë gjenerata, prandaj edhe është i gjithë shkrimtarëve. Më tej shtoi se Gjakova, do të presë jubile edhe më tej, sepse këtë manifestim të përvitshëm letrar, e kemi aset shpirtëror.Njëri nga themeluesit e Mitingut, Jusuf Buxhovi, tha se Gjakova kishte qysh atëherë shkrimtarë që patën nisma për të organizuar e për të shkruar, e që fatkeqësisht shumica nuk janë më me ne. Tribuna  60 vjet Mitingu të Poezisë, Platforma e Klubit që të ruhen edhe këtë vit aktivitetet tradicionale u realizua, me temën bosht “60 vjet Mitingu i Poezisë”, për të cilën referoi Muharrem Kurti, kryetar i Klubit Letrar “Gjon Nikollë Kazazi”, duke dhënë informacione të rëndësishme për të gjitha fazat e mbajtjes së këtij manifestimi. Kurti tha më tej se kujtojmë këtu, pjesëmarrjen në Miting të Ismail Kadaresë, Dritëro Agollit, Fatos Arapit, Xhevahir Spahiut, Visar Zhitit, Natasha Lakos, Fatos Kongolit, Zija Çelës e shumë e shumë të tjerëve, edhe kur ndërmjet nesh kishte kufij hermetikë e ndarës deri në qiell. Pra, Mitingu i Poezisë e shpërtheu kufirin shqiptaro-shqiptar me festën poetike në Gjakovë.Po ashtu në Mitingun e Poezisë kanë marrë pjesë edhe poetë të shquar nga ish – republikat e Jugosllavisë, si Jasha Zllobec, Jevrem Bërkoviq etj. Agim Byci, po ashtu pjesëmarrës i mitingut nismëtar, solli para publikut kujtimet e atyre viteve, duke mbjellë në rininë shkollore sensin krijues dhe çdo vit shtoheshin gjeneratat për t’u bërë më vonë organizim e manifestim për tërë qytetin. Sipas Agim Bycit, Klubi Letrar dhe vetë Mitingu, u bënë shkollë për shumë shkrimtarë që më vonë bëhen emra të mëdhenj të letërsisë shqipe.Ora Qendrore e PoezisëNë Orën Qendrore të Mitingut, në konkurrencë, lexuan poezi Sabri Hamiti, Naime Beqiraj, Milazim Krasniqi, Sali Bashota, Lulzim Logu, Lulzim Tafa, Anton Marku, Migena Arllati, Prend Buzhala, Agim Desku etj.Duke qenë se poezitë i nënshtrohen konkurrimit për çmimin “Ali Podrimja”, fitues i poezisë mëtë mirë, u shpall Sali Bashota, me poezinë “Çka bëni ju atje të dielën”.Traditë e mitingut është edhe zhvillimi i garave në mes të rinjve krijues nga shkollat fillore e tëmesme “Yllka Domi”. Në përkujdesjen e Vjollca Kuqit, gara ishte tejet konkurruese, por çmimi fitues iu nda katër nxënësve: Sara Gjoshi, Albiona Fetahu, Alisa Kodraj dhe Erjon Xhiha.Çmimet Jubilare, Çmimet Jubilare i ndau kryetari i Komunës së Gjakovës, Ardian Gjini, si dhe Drejtori i Bordit të Klubit Letrar “Gjon Nikollë Kazazi”, poeti Engjëll I. Berisha. Me këtë rast, u bë me dije se gjatë viteve të shkuara janë ndarë çmime e mirënjohje për të gjithë ata që ishin kontribues dhe udhëheqës të Mitingut, e që këto çmime nuk mund të dyfishohen. Prandaj sot nderohen ata që kanë merita dhe nuk janë shpërblyer deri më sot. Poeti Berisha, shtoi se po punohet në monografinë e Klubit ku do të figurojnë emrat e të gjithëve, për të mos u shlyer kurrë. Në këtë përvjetor, Klubi Letrar “Gjon Nikollë Kazazi”, u kujdes të ndajë çmimet jubilare për ata që kanë dhënë kontribut me vite të tëra. Me çmimet post – mortum, ish-kryetarin e Shoqatës së Shkrimtarëve të Kosovës, Ibrahim Rugova dhe shkrimtarin Teki Dërvishi. Me çmime të veçanta jubilare u nderuan Jusuf Buxhovi, Besnik Mustafaj, Sabri Hamiti dhe Agim Byci.Mirënjohjet Jubilare. Me Mirënjohje Jubilare u nderuan Milazim Krasniqi, Agim Vinca, Naime Beqiraj, Jeton Kelmendi, Iljaz Bobaj, Qemajl Juniku, Albert Shala, Karvani i Shkrimtarëve për Fëmijë. U shpërblye me mirënjohje edhe kryesia e klubit “Gjon Nikollë Kazazi”, Muharrem Kurti, Engjëll I. Berisha, Migena Arllati dhe Vjollca Kuqi. Gjithashtu me mirënjohje u nderuan Blerim Valla dhe Shefqet Dinaj, si dhe mediet Radio Gjakova dhe “Syri Vision”.Me çmimin tradicional “Din Mehmeti”, për librin më të mirë të botuar midis dy mitingjeve u vlerësua poeti Lulzim Tafa për librin me poezi “Rivali i Adamit”.Java e promovimeve:Si gjithnjë u organizua java e promovimeve, e që këtë vit kishte katër aktivitete, duke filluar meorën letrare për të rinj “Yllka Domi”, pastaj me promovimin e dy librave të autores Diana Marku: “Brenga me fytyrë vajze” (poezi) dhe  “Të gjithë poshtë urës” (dramë). Gjithashtu, u promovuan romani “Libri për Gjakovën” i shkrimtarit Jusuf Buxhovi, libri me poezi “Duke pritur ditën e tetë”, i poetit Anton Marku dhe libri me tregime “Albani nuk flet shqip”, i  autores Angjelina Markut.

Më 30 tetor 2024, në Teatrin Kamertal të Kolegjit AAB, u mbajt takimi me poetin Lulzim Tafa, në praninë e studentëve, profesorëve, gazetarëve, miqve të poetit. Aktiviteti u mbajt në kuadër të projektit të PEN Qendrës së Kosovës – Ora e shkrimtarit, përkrahur nga Ministria e Kulturës, Rinisë dhe Sportit e Republikës së Kosovës, i cili që një muaj po zhvillohet në disa qendra të Kosovës. Poeti dhe studiuesi, Sali Bashota, i cili e moderoi këtë takim, duke e paraqitur profilin krijues të poetit Lulzim Tafa, ndër të tjera, tha: “Mbi tridhjetë vjetët e krijimtarisë poetike të Lulzim Tafës që janë paraqitur në tetë libra me poezi: “Gjaku nuk bëhet ujë” (1993), “Metaforë e pikëlluar” (1995), “Planeti Babiloni” (1997) , “Vdekja çon fjalë” (1998), “I kam edhe dy fjalë” (2012), “Shtini n’dhe këto fjalë” (2015), “Flirt” (2019) dhe “Rivali i Adamit” (2024), dëshmojnë për individualitetin e një poeti që udhëtimin e tij krijues e bën vetëm me zjarrin e poezisë në shpirt”. Më tutje, Bashota, në mesin e shumë poezive me vlerë letrare dhe estetike, në mënyrë të veçantë e dalloi triptikun poetik të Lulzim Tafës, kushtuar Nanës, duke theksuar se “tri poezitë e Lulzim Tafës për Nanën janë poezi antologjike, ndër më të bukurat, që hyjnë përbrenda hierarkisë së vlerave të poezisë së sotme shqipe, pikërisht me mrekullimin e magjisë së dashurisë për Nanën, në radhë të parë, përmes gjuhës dhe mendimit. Në këto tri poezi, burimi i emocioneve fuqizohet e dramatizohet nëpërmjet shenjave të dashurisë në çdo fazë të jetës, herën e parë dhe shenjave të mërzisë, dhimbjes, mungesës, herën e dytë, për të qëndruar gjithmonë përbrenda shpirtit të poetit. Në çdo çast është e pranishme dashuria e përjetshme dhe e pakrahasueshme për Nanën. Pra, këto elemente metaforike e simbolike janë të pranishme në triptikun poetik “Paralajmërim për ata që do t’iu vdes Nana”, “Sa shpejt më harroi Nana” dhe “Nana as sot nuk heq dorë nga lulet”. Në këtë mënyrë, Lulzim Tafa, e tejkalon perceptimin simbolik e mallëngjyes, duke e mishëruar dashurinë për Nanën përbrenda imazhit të pavdekësisë”. Pasi e lexoi poezinë e tij të parë që e kishte shkruar, poeti Lulzim Tafa evokoi kujtime të bukura për fillimet e krijimtarisë së tij letrare, çastin e takimit me poetin Vehbi Kikaj (periudha e shkollimit fillor), pastaj me poetin Ali Podrimja (periudha e botimit të librit të parë me poezi në edicionin botues të “Rilindjes”, por edhe takime të shumta me poetë shqiptarë, si dhe me poetë nga shtete të ndryshme të botës. Duke u përqendruar në mënyrë të veçantë për fenomenin se si shkruan dhe pse shkruan, poeti Tafa, e vlerësoi lart artin e të shkruarit të poezisë, ndërlidhjen shpirtërore me të, madje duke i rikujtuar mendimet e tij të shfaqura edhe më herët, ndër të tjera, tha: “Poezia përcjell emocion, e emocionet te askush nuk janë të njëjta dhe askush nuk i përjeton njëjtë”. Një vëmendje të rëndësishme ia kushtoi leximit nëpër të gjitha fazat e shkollimit të tij, duke i porositur gjeneratat e reja që t’i përkushtohen sa më shumë leximit të veprave letrare. E mori shembull personal se si lexon çdo ditë nga 100 -150 poezi të poetëve të ndryshëm shqiptarë dhe botërorë. Me këtë rast, ndër të tjera, tha: “Unë në secilin rast unë jam me lexuesin. Ne shkruajnë për ta. Lexuesi ka të drejtë të lexojë dhe të mos lexojë. Ndodh që lexuesi e ndërpret leximin dhe kjo është e drejtë e njohur e tij”. Gjithashtu, poeti Tafa, foli edhe për përkthimin, duke thënë se përkthimi i një poezie të bukur në një gjuhë tjetër, më së miri mund të bëhet nga poetët që merren edhe me përkthime, duke përmendur rastin, kur vetë kishte përkthyer disa poezi të poetit të njohur malazias, Jevrem Bërkoviq. Ndërsa për veprat e tij të përkthyera në shumë gjuhë të botës, evokoi kujtimet më të bukura nga përkthimi i veprës së tij të parë e deri më sot. Më tutje, Tafa foli edhe për dukuri e fenomene letrare, për letërsinë përballë zhvillimeve teknologjike, për përvojën e tij krijuese, por edhe për përvojën e shkrimtarëve të ndryshëm botërorë, se si i kanë shkruar veprat e tyre, pastaj për rëndësinë e promovimit të veprave, për vlerësimin e tyre, duke iu dhënë edhe këshillave poetëve të rinj. Në fund të takimit letrar u zhvillua një bashkëbisedim midis poetit dhe të pranishmeve, ku dominonin pyetjet për procesin e shkrimit, për frymëzimin, motivet, temat, por edhe për vlerën dhe rëndësinë e poezisë në shoqërinë e sotme Ora e shkrimtarit u mbyll me leximin e poezisë “Vdekja e të paqenës”, të cilën këto ditë e kishte shkruar poeti Lulzim Tafa./KultPlus.com

Drejtoria për Kulturë, Rini Dhe Sport – Komuna Pejë JU prezanton fituesin e Çmimit “Lirikë me shi”🌧️,çmim që u nda për herë të parë në Edicionin ë XX-të të Takimeve Letrare Ndërkombëtare “Azem Shkreli” Profesor @Lulzim Tafa Nana sot e ka datëlindjenU bë katër vjeçe.Sa ngadalë u rritkan të vdekurit.Ajo tash atje është fëmijëPrindërit e mbajnë për doreEdhe andej si dikurKëndej.Vrapon pas fluturaveMbledh luleSa shumë i donte Nana LuletEdhe emrin ma la LulGati sa ma la Lule.Nana i ka katër vjetE ende nuk fletSa herë shkoj n’vorre.Sa ran ishmos me u përgjigj Nanakur e thërret.Mundohem me e mësuEdhe njëherë me fol prej fillimiSi ajo mua dikur.Është llastuDhe gjithë ditën rrinë prehen të Nanës s’vetJam idhnu me ty NanëDije.Qysh pse?Kur të vij atje të kallxojNcncncSa shpejt m’harroi

Në një ceremoni solemne të organizuar të enjten, poeti i njohur, Lulzim Tafa, është nderuar nga Ambasada e Shqipërisë në Kosovë, për kontributin e dhënë në fushën e letërsisë shqipe. Në praninë e personaliteteve të shumta publike të Kosovës e Shqipërisë, ambasadori i Shqipërisë nëKosovë, Sh.T. Petrit Malaj, i ndau poetit Tafa mirënjohjen, duke çmuar lart veprën dhe kontributin e Tafajt për artin dhe letërsinë shqipe. “Ambasada e Republikës së Shqipërisë në Kosovë shpreh mirënjohjen e thellë për kontributin në fushën e letërsisë, si poet dhe shkrimtar. Vepra juaj e ka pasuruar kulturën dhe artin tonë kombëtar. Anëtarësimi juaj si akademik i jashtëm në Akademinë e Shkencave në Republikën e Shqipërisë është nder i merituar, na forcon lidhjet kulturore dhe shkencore të Republikës sëKosovës dhe asaj të Shqipërisë”, tha ndër të tjera ambasadori Malaj. Ndërsa poeti Lulzim Tafa, duke shprehur falëndërimet e tij theksoi se është thellësisht i nderuar që e merr këtë mirënjohje. “Ndihem shumë i lumtur që jam në mesin tuaj dhe bashkë me ju kam kënaqësinë ta pranoj këtë mirënjohje. Nderime të tilla nuk e bëjnë shkrimtar më të madh apo më të rëndësishëm, por më të sigurt në punën e tij krijuese”, u shpreh Tafa. Për veprën e Lulzim Tafës, fjalët më të mira i thanë edhe personalitete e pjesëmarrës në këtë ceremoni. Ndërsa edhe më madhështore e bëri atë, deklamimi i njërës nga poezitë monumentale të Lulzim Tafës (“Sa shpejt më harroi nana”), nga ambasadori shqiptar, Petrit Malaj. Kujtojmë se poeti Lulzim Tafa është i njohur për poezitë e tij dhe është në mesin e poetëve më të përkthyer shqiptarë, njëherësh laureat i shumë çmimeve ndërkombëtare. Përpos çmimeve, mban shumë tituj nderi në akademi e në universitete botërore. Në gjysmën e dytë të muajit prill të këtij viti, Lulzim Tafa ishte zgjedhur anëtar i jashtëm i Akademisë së Shkencave të Shqipërisë.

Në një ceremoni solemne të organizuar të enjten, poeti i njohur, Lulzim Tafa, është nderuar nga Ambasada e Shqipërisë në Kosovë, për kontributin e dhënë në fushën e letërsisë shqipe. Në praninë e personaliteteve të shumta publike të Kosovës e Shqipërisë, ambasadori i Shqipërisë nëKosovë, Sh.T. Petrit Malaj, i ndau poetit Tafa mirënjohjen, duke çmuar lart veprën dhe kontributin e Tafajt për artin dhe letërsinë shqipe. “Ambasada e Republikës së Shqipërisë në Kosovë shpreh mirënjohjen e thellë për kontributin në fushën e letërsisë, si poet dhe shkrimtar. Vepra juaj e ka pasuruar kulturën dhe artin tonë kombëtar. Anëtarësimi juaj si akademik i jashtëm në Akademinë e Shkencave në Republikën e Shqipërisë është nder i merituar, na forcon lidhjet kulturore dhe shkencore të Republikës sëKosovës dhe asaj të Shqipërisë”, tha ndër të tjera ambasadori Malaj. Ndërsa poeti Lulzim Tafa, duke shprehur falëndërimet e tij theksoi se është thellësisht i nderuar që e merr këtë mirënjohje. “Ndihem shumë i lumtur që jam në mesin tuaj dhe bashkë me ju kam kënaqësinë ta pranoj këtë mirënjohje. Nderime të tilla nuk e bëjnë shkrimtar më të madh apo më të rëndësishëm, por më të sigurt në punën e tij krijuese”, u shpreh Tafa. Për veprën e Lulzim Tafës, fjalët më të mira i thanë edhe personalitete e pjesëmarrës në këtë ceremoni. Ndërsa edhe më madhështore e bëri atë, deklamimi i njërës nga poezitë monumentale të Lulzim Tafës (“Sa shpejt më harroi nana”), nga ambasadori shqiptar, Petrit Malaj. Kujtojmë se poeti Lulzim Tafa është i njohur për poezitë e tij dhe është në mesin e poetëve më të përkthyer shqiptarë, njëherësh laureat i shumë çmimeve ndërkombëtare. Përpos çmimeve, mban shumë tituj nderi në akademi e në universitete botërore. Në gjysmën e dytë të muajit prill të këtij viti, Lulzim Tafa ishte zgjedhur anëtar i jashtëm i Akademisë së Shkencave të Shqipërisë./