Mbrëmë gjithë natën
isha në spital,
duke e kërku motrën time
që nëna ime lehonë
e kishte harru aty
njëqind vjet më parë

Nuk lash vend pa e kërku
te klinika e çmendinës
m’u diftu
një gru

Në këmishë të bardhë nate,
të veshur mbrapsht

Çfarë po kërkon, më tha
motrën time, i thashë,
që nëna ime e ka harru në spital

Pastaj ajo tundi kokën
poshtë lart, poshtë lart,
dhe tha

I sheh këta këtu
të gjithë janë
motrat dhe vëllezërit
e tu